| 朋友加記憶先係最重要 好好記住每一刻 珍惜每一次吐出真心話既時候 嘻嘻哈哈咁過 好快就一世嫁喇 我唔想咁 另外 你最令我開心 亦最令我痛心 永遠係我理虧 我都唔明點解 |
| |
| 港大生活雖然好忙 不過好充實 basketball hall team badminton hall team athletics u team band vocal choir 住hall 真係可以令人充實 亦都會令人頹廢 一個月 堅持唔走堂 希望維持落去 下個禮拜reading week 成日同傑佬食lunch 熟左好多!! samsam唔搵我食飯-.- |
| |
| good experience in Hong Kong U |
| |
| 其實真係唔想再打日記 因為唔想自己既感受俾左ｄ唔知咩人睇到 但我為左呢個八月寫多次 touch camp hall o 細o 我去左三個camp 其中孫志新堂既hall o係最深刻 因為多人發燒 被迫腰斬 而我幸好無被感染 就算係咁 感受既都好多 7日6夜 我其實諗過咁多時間會做d咩 原來好多時間都用黎dem choir 唱 hall song 同hko campuso 要做好多無聊task 例如立法會門口俾蕉人食 周街唱廣東話版既說好了幸福了 初時我真係覺得好白痴好無聊 但其實 我唔做呢d 留係屋企hea 唔係仲無聊 起碼呢個係個經驗 我老左後都會肯定記得呢件事 過左兩日後 心理生理都習慣左hall o 開始認真投入 dem choir 唱 hall song都好勤力自己練 縱使知道非必要 但仍會為責任而做好 同組mate 友情都上了一層 亦願意將想法說出來 知道hall o要腰斬 其實係唔開心 因為捱既都捱過了 重頭戲係後面 點解會咁早結束? 我期待同李兆基人dem choir 打籃球 同玩水 著西裝去high table 但一切都無了 昨日同oc食完糖水番番自己屋企 hall o 完結了 港大既文化真係與別不同 佢真係會令人洗腦 令人改變 令人適應將來要面對既野 你可以話hall做d野係無聊 但其實真正會令人進步既係其後你會唔會有自己一套諗法 我唔相信自己會為呢個hall落淚 但知道完了 我都不其然落淚 自己六樓有個朋友 捱唔住病了 仍會關心我地 我都不其然落下淚 接下來一年 我知道自己會見識好多 我唔道我會辛苦 我知道我可能會迷失 被洗腦 但我一定會係六樓搵到兄弟情 一定會同小傑 joy係hall共患難 一定會為孫志新帶起籃球田徑文化 最後 我係孫志新堂606a sunians desmond 都可以叫我football 為未來努力進步 p.s.我識到一個好似黃敏既人(言行舉止) |
| |
